వంశవృద్ధికరం దుర్గాకవచం అథవా వంశకవచం vamsa vruddikara durga kavacham

వంశవృద్ధికరం దుర్గాకవచం అథవా వంశకవచం

 

భగవన్ దేవ దేవేశకృపయా త్వం జగత్ ప్రభో
వంశాఖ్య కవచం బ్రూహి మహ్యం శిష్యాయ తేఽనఘ
యస్య ప్రభావాద్దేవేశ వంశ వృద్ధిర్హిజాయతే 1

    సూర్య ఊవాచ

శృణు పుత్ర ప్రవక్ష్యామి వంశాఖ్యం కవచం శుభం
సంతానవృద్ధిర్యత్పఠనాద్గర్భరక్షా సదా నృణాం 2

వంధ్యాపి లభతే పుత్రం కాక వంధ్యా సుతైర్యుతా
మృత వత్సా సుపుత్రస్యాత్స్రవద్గర్భ స్థిరప్రజా 3

అపుష్పా పుష్పిణీ యస్య ధారణాశ్చ సుఖప్రసూః
కన్యా ప్రజా పుత్రిణీ స్యాదేతత్ స్తోత్ర ప్రభావతః 4

భూతప్రేతాదిజా బాధా యా బాధా కులదోషజా
గ్రహ బాధా దేవ బాధా బాధా శత్రు కృతా చ యా 5

భస్మీ భవంతి సర్వాస్తాః కవచస్య ప్రభావతః
సర్వే రోగా వినశ్యంతి సర్వే బాలగ్రహాశ్చ యే 6

    అథ దుర్గా కవచం

ఓం పుర్వం రక్షతు వారాహీ చాగ్నేయ్యాం అంబికా స్వయం
దక్షిణే చండికా రక్షేన్నైఋత్యాం శవవాహినీ 1

వారాహీ పశ్చిమే రక్షేద్వాయవ్యాం చ మహేశ్వరీ
ఉత్తరే వైష్ణవీం రక్షేత్ ఈశానే సింహ వాహినీ 2

ఊర్ధ్వాం తు శారదా రక్షేదధో రక్షతు పార్వతీ
శాకంభరీ శిరో రక్షేన్ముఖం రక్షతు భైరవీ 3

కంఠం రక్షతు చాముండా హృదయం రక్షతాత్ శివా
ఈశానీ చ భుజౌ రక్షేత్ కుక్షిం నాభిం చ కాలికా 4

అపర్ణా హ్యుదరం రక్షేత్కటిం బస్తిం శివప్రియా
ఊరూ రక్షతు కౌమారీ జయా జానుద్వయం తథా 5

గుల్ఫౌ పాదౌ సదా రక్షేద్బ్రహ్మాణీ పరమేశ్వరీ
సర్వాంగాని సదా రక్షేద్దుర్గా దుర్గార్తినాశనీ 6

నమో దేవ్యై మహాదేవ్యై దుర్గాయై సతతం నమః
పుత్రసౌఖ్యం దేహి దేహి గర్భరక్షాం కురుష్వ నః 7

ఓం హ్రీం హ్రీం హ్రీం శ్రీం శ్రీం శ్రీం ఐం ఐం ఐం
మహాకాలీ మహాలక్ష్మీ మహాసరస్వతీ రుపాయై
నవకోటిమూర్త్యై దుర్గాయై నమః 8

హ్రీం హ్రీం హ్రీం దుర్గార్తినాశినీ సంతానసౌఖ్యం దేహి దేహి
బంధ్యత్వం మృతవత్సత్వం చ హర హర గర్భరక్షాం కురు కురు
సకలాం బాధాం కులజాం బాహ్యజాం కృతామకృతాం చ నాశయ
నాశయ సర్వగాత్రాణి రక్ష రక్ష గర్భం పోషయ పోషయ
సర్వోపద్రవం శోషయ శోషయ స్వాహా  9

    ఫల శ్రుతిః

అనేన కవచేనాంగం సప్తవారాభిమంత్రితం
ఋతుస్నాత జలం పీత్వా భవేత్ గర్భవతీ ధ్రువం  1

గర్భ పాత భయే పీత్వా దృఢగర్భా ప్రజాయతే
అనేన కవచేనాథ మార్జితాయా నిశాగమే  2

సర్వబాధావినిర్ముక్తా గర్భిణీ స్యాన్న సంశయః
అనేన కవచేనేహ గ్రంథితం రక్తదోరకం  3

కటి దేశే ధారయంతీ సుపుత్రసుఖ భాగినీ
అసూత పుత్రమింద్రాణాం జయంతం యత్ప్రభావతః 4

గురూపదిష్టం వంశాఖ్యం కవచం తదిదం సుఖే
గుహ్యాద్గుహ్యతరం చేదం న ప్రకాశ్యం హి సర్వతః  5

ధారణాత్ పఠనాదస్య వంశచ్ఛేదో న జాయతే
బాలా వినశ్యంతి పతంతి గర్భాస్తత్రాబలాః కష్టయుతాశ్చ వంధ్యాః  6

బాల గ్రహైర్భూతగణైశ్చ రోగైర్న యత్ర ధర్మాచరణం గృహే స్యాత్

 ఇతి శ్రీజ్ఞానభాస్కరే వంశవృద్ధికరం వంశకవచం
సంపూర్ణం

All copyrights reserved 2012 digital media act