సూర్య కవచం yagnavalkamuni krutha surya kavacham in telugu lyrics

యాజ్ఞవల్కముని కృత సూర్య కవచం

 

శ్రీగణేశాయ నమః
యాజ్ఞవల్క్య ఉవాచ
శృణుష్వ మునిశార్దూల సూర్యస్య కవచం శుభం
శరీరారోగ్యదం దివ్యం సర్వసౌభాగ్యదాయకం 1

దేదీప్యమానముకుటం స్ఫురన్మకరకుండలం
ధ్యాత్వా సహస్రకిరణం స్తోత్రమేతదుదీరయేత్ 2

శిరో మే భాస్కరః పాతు లలాటం మేఽమితద్యుతిః
నేత్రే దినమణిః పాతు శ్రవణే వాసరేశ్వరః 3

ఘ్రాణం ఘర్మఘృణిః పాతు వదనం వేదవాహనః
జిహ్వాం మే మానదః పాతు కంఠం మే సురవందితః 4

స్కంధౌ ప్రభాకరః పాతు వక్షః పాతు జనప్రియః
పాతు పాదౌ ద్వాదశాత్మా సర్వాంగం సకలేశ్వరః 5

సూర్యరక్షాత్మకం స్తోత్రం లిఖిత్వా భూర్జపత్రకే
దధాతి యః కరే తస్య వశగాః సర్వసిద్ధయః 6

సుస్నాతో యో జపేత్సమ్యగ్యోఽధీతే స్వస్థమానసః
స రోగముక్తో దీర్ఘాయుః సుఖం పుష్టిం చ విందతి 7

 ఇతి శ్రీమద్యాజ్ఞవల్క్యమునివిరచితం సూర్యకవచస్తోత్రం సంపూర్ణం

All copyrights reserved 2012 digital media act