సోమస్తోత్రం soma stotram in telugu lyrics

సోమస్తోత్రం 

అథ సోమస్తోత్రప్రారంభః
అస్య శ్రీసోమస్తోత్రమహామంత్రస్య గౌతమ ఋషిః  అనుష్టుప్ఛందః
సోమో దేవతా  సోమప్రీత్యర్థే జపే వినియోగః

వాం అంగుష్ఠాభ్యాం నమః  వీం తర్జనీభ్యాం నమః
వూం మధ్యమాభ్యాం నమః  వైం అనామికాభ్యాం నమః
వౌం కనిష్ఠికాభ్యాం నమః  వః కరతలకరపృష్ఠాభ్యాం నమః
వాం హృదయాయ నమః  వీం శిరసే స్వాహా
వూం శిఖాయై వషట్  వైం కవచాయ హుం
వౌం నేత్రత్రయాయ వౌషట్  వః అస్త్రాయ ఫట్
భూర్భువః సువరోమితి దిగ్బంధః

ధ్యానం
శ్వేతాంబరోజ్జ్వలతనుం సితమాల్యగంధం
   శ్వేతాశ్వయుక్తరథగం సురసేవితాంఘ్రిం
దోర్భ్యాం ధృతాభయగదం వరదం సుధాంశుం
   శ్రీవత్సమౌక్తికధరం ప్రణమామి చంద్రం  1

ఆగ్నేయభాగే సరథో దశాశ్వశ్చాత్రేయజో యామునదేశజశ్చ
ప్రత్యఙ్ముఖస్థశ్చతురశ్రపీఠే గదాధరో నోఽవతు రోహిణీశః 2

చంద్రం నమామి వరదం శంకరస్య విభూషణం
కలానిధిం కాంతరూపం కేయూరమకుటోజ్జ్వలం 3

వరదం వంద్యచరణం వాసుదేవస్య లోచనం
వసుధాహ్లాదనకరం విధుం తం ప్రణమామ్యహం 4

శ్వేతమాల్యాంబరధరం శ్వేతగంధానులేపనం
శ్వేతఛత్రోల్లసన్మౌలిం  శశినం ప్రణమామ్యహం 5

సర్వం జగజ్జీవయసి సుధారసమయైః కరైః
సోమ దేహి మమారోగ్యం సుధాపూరితమండలం 6

రాజా త్వం బ్రాహ్మణానాం చ రమాయా అపి సోదరః
రాజా నాథశ్చౌషధీనాం రక్ష మాం రజనీకర 7

శంకరస్య శిరోరత్నం శార్ఙ్గిణశ్చ విలోచనం
తారకాణామధీశస్త్వం తారయాఽస్మాన్మహాపదః 8

కల్యాణమూర్తే వరద కరుణారసవారిధే
కలశోదధిసంజాతకలానాథ కృపాం కురు 9

క్షీరార్ణవసముద్భూత చింతామణిసహోద్భవ
కామితార్థాన్ ప్రదేహి త్వం కల్పద్రుమసహోదర 10

శ్వేతాంబరః శ్వేతవిభూషణాఢ్యో గదాధరః శ్వేతరుచిర్ద్విబాహుః
చంద్రః సుధాత్మా వరదః కిరీటీ శ్రేయాంసి మహ్యం ప్రదదాతు దేవః 11

ఇదం నిశాకరస్తోత్రం యః పఠేత్ ప్రత్యహం నరః
ఉపద్రవాత్స ముచ్యేత నాత్ర కార్యా విచారణా 12

         ఇతి సోమస్తోత్రం సంపూర్ణం



All copyrights reserved 2012 digital media act